Lieder

Jungschi-Hymne

(gesungen mit der Melodie der Schweizer Nationalhymne)

1. Strophe:
Trittst im rot-schwarz Style daher,
find ich dich in der Jungschar,
dich du hochaktiver Jungschärler.
Wenn die Leiter sich treffen,
planen sie den Jungschinachmittag.
Spiel und Spass steht auf dem Plan,
immer neues Programm.
Jungschärler haben Spass;
ja Jungschärler haben ihren Spass!


2. Strophe:
SORGS und KNEIL sind dabei.
Ja bei uns läuft allerlei.
Englischbulldog spielen wir,
denn wir sind so genial.
Ja so unschlagbar,
denn wir haben Gott dabei
und wir sind nie allein.
Ja wirklich gar nie,
wir haben stets ein Begleiter.


3. Strophe:
Jedes Jahr im Sommer,
gibt es ein SOLA.
Bei jedem Wetter gehen wir
Dort erwarten uns Zelte
und wir alle sind froh gestimmt.
Nun kann es losgehen
und der Spass nie vergehn.
Jee! Es ist so kuuul,
einfach mega hammermässig!!!

© Indigo, Papillon, Nautilus


Lied 1

(gesungen mit der Melodie "Chönig vo mym Herz")

Herr i bitte di chum zu allne Mensche,
dass sie sich verstönd und zämme hebe chönd,
will i weiss ganz genau, alli hesch du lieb
ob si schwarz sind oder wiis du bisch für alli do.

Nur du machsch mi immer fröhlich, du bisch immer do für mi,
du bisch für mi Luft zum Läbä, du bisch s'Liecht wo mi immer wärmt
Herr i möcht dir danke für alls wo du mir gisch
Herr i will di lobe, will du min Vater bisch
Herr i bitte di, blib bi mir.

© Neon


Lager in Dotnacht

(gesungen mit der Melodie "Du bisch mächtig")

Str. 1
Mir sind im Lager, i de nöchi vo Dotnacht.
Immer cooler, wird's immer i de Nacht.
Immer wieder, gönd mir in Wald und spieled döt,
cooli Gländspiel, und mer suecht viel Lüüt

Ref. (2 x)
Jedes Johr gönd mir in Thurgau uf Landquart, Dotnacht, am Rhi,
immer kochet ide Chuchi wird ganz fein.

Str. 2
I mach jetzt gad en Spez für a mis Hemd
I mue singe und dichtet hani au.
Dichtet hani inere schöne Summernacht
Und ha Freud gha, will den hani da gmacht.

© Milan


S'Chuchizelt

(gesungen mit der Melodie "Mir wönd Jesus über allem gseh")

Mir chönd d'Chuchi nüme gseh, sie stoht undicht uf üsem Lagerplatz,
dass alli erkenned und verstönd, sie isch de Wäg zum Rägä.

Mir chönd sie nüme gseh, mir chönd sie nüme gseh, mir chönd d'Chuchi nüme gseh (2x)

Tropf, tropf, immer meh Wasser flüsst id Chuchi
Jedes Kilo Salz wird zumene Chlumpe Mokkas Chuchi

© Edison


Lied 2

(gesungen mit der Melodie "Irish blessing")

Mach dis Läbä uf dä Wält zum schönste,
mach alli happy, wo nur truurig sind,
jo dänn gohts dir au guät will du öperem gholfä häsch.
Das isch min Tipp für hüt und au für morn.

© Lotus


Lager

(gesungen mit der Melodie "Irish blessing")

Du beschützisch üs i dem Lager.
Du machsch das s'Wetter immer hebt.
Mach alles Schlechti weg und ersetz es dur Guets.
Me betet di a mir lobed di.

© Fanta


Friede

(gesungen mit der Melodie "Immer mehr")

überall, überall, überall, wünschet mir üs Friede, überall, uf dä ganze Welt, wönd mir Friede ha, do und döt, überall.

Mir wönd Friede ha, dass d'Welt cha bestoh und dass es d'Menschheit no lang git.
Mir wönd Friede, dass alli chönd fiire, jo, jo.
Jede söll eigni Fründe ha und ejde söll sich freue a sim Läbä.
Schenk üs Friede, überall.

© Cube


Gib üs Hoffnig

(gesungen mit der Melodie "Du bisch mächtig")

Gib üs Hoffnig, mir wönd üs uf dich verloh.
Nur dur dich, hend mir immer wieder neue Muet.
Wenn's üs schlecht goht, stellsch du üs wieder uf d'Bei.
Bitte hilf üs, zum de bescht Weg iischloh.

Nur dur dini Unterstützig, schaffed's mir zum z'friede si,
mir müend lediglich zu dir cho, dass du üs helfe tuesch.

© Niala


Lagerläbä

(gesungen mit der Melodie "Chönig vo mym Herz")

Lager vo mim Härz, Lager vo mim Läbä, treui Kollegä, treui Fründ,
mängmol frog i mi, wieso isch da numä so, dass das Lager nur 7 Täg goht, isch doch nöd wohr.

Stechmuckä stechet nie dänäbä, denn sie sind zielsicher,
Antibrumm isch nüt degägä, denn das isch jo nur Wasser.
Wer cha mir bietä, öpis dägägä,
gägä die Muckä, nützt nur Parapic.
Darum hani witerhin Stich.

© Tipo Esperto


Lied 3

(gesungen mit der Melodie "Mir wönd Jesus über allem gseh")

Mir gönd gärn id Jungschi und das macht immer Spass,
und Bändelikampf isch so cool, me cha nöd ufhöre.

Mir gönd id Jungschi, mir gönd id Jungschi, das isch so läss. (2x)

Jede Summer gönd mir is SOLA, und im Früehlig is AULA.
Jede 2. Samstig id Jungschi, das macht so Spa-a-a-a-a-a-ass.

© Sinus


Lied 4

(gesungen mit der Melodie "Irish blessing")

De Vulkan und i händ da Lied gschriebe,
will üs eifach so langwilig isch gsi.
Die Ziit goht schnell verbii mitem Heugümperspickelii.
Und da isch es jetzt au gsi mit dem Liedlii.

© Legolas


Sarasani

(gesungen mit der Melodie "Mir wönd Jesus über allem gseh")

Mir wönd dä Sarasani über allem gseh, er isch grösser als jedes Zelt, dass alli ihn liebed und verstönd. Er isch de gröscht vo allne.

Er isch de gröscht, er isch dä gröscht, mir wönd en über allem gseh. (2x)

Bimänä Gwitter schützt er alli, d'Blache sind so super dicht, jedi Blache isch ä mächtigi Waffe, alli andere Zelter stürzed i und i und i und i.

© Picasso


Lied 5

(gesungen mit der Melodie "Mir wönd Jesus über allem gseh")

Oh bald isch es scho so wiit, und denn goht's zum Glück wieder los.
Dass alli wüsset um was goht, es isch natürlich s'Sola !

Es isch Sola, es isch Sola, es isch endlich wieder Sola. (2x)

Jetzt simer scho bim Bahnhof, jetzt isch es denn so wiit, und jetzt laufemer zum Lagerplatz, und döt hemer denn viel Spa-a-a-a-a-a-ass.

© Puma


Fussball

(gesungen mit der Melodie "Mir wönd Jesus über allem gseh")

Sport mached Mensche, Fuessball spieled Götter
Dass jede merkt und checkt, es isch de Sinn vom Lebe.

Es isch de Sinn, es isch de Sinn, es isch de Sinn vom Lebe (2x)

Fänsong für Fänsong singed mir zämä, immer meh Phyros brenned mer ab, verbünd di jo nöd mi de Bulle, schrei lieber lut acababab...

© Calcio


Freiheit

(gesungen mit der Melodie "I möcht di gspüre")

Wenn dä Wind dur mini Hoore blost und i en Vogel über mir gseh. Denn fühl i mi frei und unabhängig und i wör am liebste weg flügää.

I wär en Vogel so frei und so froh,
dä Wind dä treit mi so wit wäg vo do.
I fühl mi frei, fühl mi froh, i han es Lache übercho.

© Kiwi


Lache

(gesungen mit der Melodie "Irish blessing")

Nur es Lache gnüegt, es macht glücklich.
D'Lüt gsend fröhlich us, wenn'd ihne es Lache schenksch.
En smile, en Lacher, es isch guet es macht eim Muet und wenn'd gosch fühlsch di besser, es tuet nur guet.

© Ciel


Sola 10

(gesungen mit der Melodie "Chönig vo mym Herz")

Sola 2010 simmer in Dotnacht.
Zelter sind no dicht, s'Wetter spillt au mit.
Üses Thema isch, verschollen im Regenwald,
Dezue gits vieli Gländspieli und i bin au debi.

I ghör zu de beste Gruppe und sie i d'Abteilig,
D'Abteilig ghört zum'ne Kreis und de Kreis ghört zum Weltbund.
Jede zweit Samstig stoht Jungschi ufem Plan.
Mir gönd in Wald und hend e cools Gländspiel,
I will ewig i de Jungschi si.

© Maloney